Puisi

ADOK HIKING INI ADOK ANJAK BATANGAN
Adok sai ghagah : Jaya Umpuan Mega
Adok sai sebai     : Inini ini ratu, adokni Ratu Mahkota

Pepaccogh

Syukur Alhamdulillah                                                        Siji ngedok amanah                                                             
tigoh judumu ganta                                                             tetuju dikuti ghua
dendong segala badan                                                        anjak kaban kemaman 
Kekalau kuti ghua tuah                                                      Cuba dipilah-pilah                                                   
ina sai ghupa dua                                                                ki bakal ngedok guna
kiluian aguk Tuhan                                                             akuk jadi angguan

 

Peghtama, beibadah                                                           Suwa pungu tengadah
sembahyang waktu lima                                                    kilu appun dusa
dang sappai ketinggalan                                                    seghta selamat badan
Kighim munih Fatihah                                                       Najin mak dacok kiwah
tehadap sai kak mena                                                         cukuplah sedeghhana
kipak sai lagi tengan                                                           asal mak kekughangan

 

Basa kukut gham lapah                                                     Hubungan gham di luwah
dagu dang ghanggalga                                                       ina peghlu dibina
mata ngeliyak lakkahan                                                    peghlu sakai sambayan
Api sai dibatok pindah                                                      Najin kak sumang daghah
anjak alam dunia                                                                pagun juga beguna
selain kain kafan                                                                 tetangga kighi kanan

 

Tunggu ulun sai susah                                                     Adik waghimu nayah
tesambat pudak waya                                                       sai di udi atau sai di ja
unjak ki lagi badan                                                            unyin peghlu bimbingan
Pudak selalu wewah                                                          Jadi anak tuha mak mudah                                                     
tehadop sapa juga                                                              ia musti bijaksana
betikkah laku sai supan                                                    di lom segala tindakan

 

Basing ghupa masalah                                                    Siji akhir petuah
peghlu beghecaka                                                             ingokko dang lupa                                                    
jama kaban wewaghian                                                  akuk jadi angguan
Najin sepuluh mudah                                                     Api maknanikidah
sebelas gham betanya                                                     seghom mati di gula
mangi mak salah jalan                                                    pahomko kuti pesayan

 

                                                                                                                                      Sumber : A. Effendi Sanusi

Bebandung

Ingek Pek Pulang

Biduk belayar adek Teluk Lappung
Iduh kapan dapek tunggo
Najin pakkat seghaccak gunung
Dang lupo di Sai Kuaso

Dang lupo di Sai Kuaso
Tuhan pencipto langik dan bumei
Anak, majeu, pakkat, dan harto
Tepik unyen bagheng gham matei

Tepik unyen bagheng gham matei
Amal suako ino sai dibo
Jadeinokidah dang sekalei-kalei
Ngepikken sembahyang, zakat, puaso

Ngepikken sembahyang, zakat, puaso
Ino duso sai ghadeu terang
Di alam akhirat gham meso sikso
Sakikno mak alang kepalang

                                                                                            Sumber : A. Effendi Sanusi